Saksi si Pangulong Ferdinand R. Marcos Jr. sa pagsasanib pwersa ng Partido Federal ng Pilipinas (PFP) at National Unity Party (NUP) para sa tinaguriang “Alyansa Para sa Bagong Pilipinas” na ginanap sa Manila Golf and Country Club sa Makati City, Sabado. Lumagda sa alyansa sina PFP Deputy Majority Leader Congressman Ferdinand Alexander “Sandro” A. Marcos, PFP National Vice President at Special Assistant to the President Antonio Lagdameo Jr., PFP National President at South Cotabato Governor Reynaldo S. Tamayo Jr., NUP Chairman Ronaldo V. Puno, NUP President Congressman Luis Raymundo E. Villafuerte Jr., at NUP Secretary General Congressman Albert Raymond S. Garcia.
PPA POOL / NIÑO JESUS ORBETA
PFP, NUP nagsanib pwersa
SELYADO na ang alyansa ng Partido Federal ng Pilipinas (PFP) at ng National Unity Party (NUP).
Ito ay matapos na personal na saksihan ni Pangulong Ferdinand “Bongbong” Marcos Jr. ang pagsasanib pwersa ng dalawang partido politikal na tinaguriang “Alyansa Para sa Bagong Pilipinas” sa Makati City.
Ayon sa Pangulo, layunin ng pagsasanib pwersa ng dalawang partido ang pagpapaganda sa buhay ng mga Pilipino.
“But we organize ourselves — that’s not the marriage of convenience. It is an understanding that we must come together if we are to transform our country into the modern, safe, sustainable, growing country that we dream of, that we have all dreamed of in all our lifetime. Because at the heart of what we are doing is public service, and that is what we want to provide,” pahayag ni Pangulong Marcos.
“So, when you hear that phrase, marriage and convenience, then let us answer them, no. Unity is, in fact, our ideology. That is what has brought us together. We do have ideals. This is not just to win the next elections. This is to make the Philippines a better place and that is what we’re doing here,” dagdag ng Pangulo.
Kasama sa lumagda sa alyansa sina PFP president Reynaldo Tamayo, NUP chairman Ronnie Puno, NUP president at Camarines Sur 2nd District Rep. Lray Villafuerte, at iba pang opisyal.
Nabuo ang PFP bilang national political party noong 2018 kung saan si Pangulong Marcos Jr. ang tumatayong chairman ng partido.
