PAGASA: Walang inaasahang pag-ulan sa susunod na dalawang araw
ANG Philippine Atmospheric, Geophysical and Astronomical Services Administration (PAGASA), ay nag-anunsyo nitong na wala umanong inaasahang pag-ulan na maaaring makaapekto sa bansa sa susunod na dalawang araw.
Bagama’t walang inaasahang bagyo, ipinahayag ng PAGASA na ang habagat o southwest monsoon ay patuloy na nakakaapekto sa Southern Luzon, Visayas, at Mindanao.
Ang mga rehiyong Visayas, Mimaropa, Zamboanga Peninsula, hilagang Mindanao, Caraga, at Bangsamoro Autonomous Region in Muslim Mindanao (BARMM) ay magkakaroon ng maulap na kalangitan na may kalat-kalat na mga pag-ulan at pagkulog.
Sa Metro Manila at sa iba pang bahagi ng bansa, sa kabilang banda, magkakaroon ng bahagyang maulap hanggang sa maulap na kalangitan na may mga pag-ambon o pagkulog-kulog na pag-ulan, na dulot din ng habagat at mga lokal na pag-ulan.
Sinabi rin ni Ana Clauren-Jorda, isang tagapagbalita ng panahon, na wala umanong inaasahang sama ng panahon na maaaring makaapekto sa bansa sa susunod na tatlong hanggang limang araw.
