KUMILOS ang Meta, dating Facebook, laban sa isang fake news post ng isang pro-Duterte blogger na nagsabing gumamit umano ng water cannon ang Philippine Coast Guard (PCG) laban sa Chinese Coast Guard sa West Philippine Sea (WPS).

Sa pagdinig ng House tri-committee nitong Martes, na pinangunahan ni Surigao del Sur Rep. Johnny Pimentel, binanggit ni Dr. Rafael Frankel, Director of Public Policy ng Meta para sa Southeast Asia, ang post ng blogger na si Mark Lopez bilang halimbawa kung paano hina-handle ng kanilang mga platform ang maling impormasyon.

“So here is one example of a fact-check on our platform. This is a fact -check of a claim that a vlogger made that the Philippines had used water cannons against Coast Guard. This was rated false by our fact-checker,” paliwanag ni Frankel.

“As you can see on the left side, this is the fact-check, and on the right side, this is how the content that would not appear on our platform with the screen over it and a warning along with the label that explains that this is a false content,” dagdag pa niya.

Ang tinutukoy ni Frankel ay bahagi ng kanyang presentation. Sa kaliwa, nakasaad: “Blogger Mark Lopez claims the Philippines uses water canon against China in the West Philippine Sea.”

Sa kanan naman: “OUR VERDICT False: Despite repeated instances of China water bombing and ramming Philippine vessels, the Philippine government refuses to retaliate by using water cannons against China Coast Guard’s aggressive actions.”

Isa si Lopez sa ilang pro-Duterte bloggers na inimbitahan ng tri-comm sa kanilang pagdinig.

Sa nakaraang hearing, inusisa si Lopez tungkol sa ilang social media posts niya kaugnay ng South China Sea, dahilan para siya’y mapunta sa alanganin.

Humingi ng paumanhin si Lopez at sinabing, “Sorry po, fake news po ako.”

Ayon sa Meta, ang fact-checking sa nasabing post ay isinagawa ng VERA Files noong Marso 26, 2025.

Paliwanag ni Frankel, ang mga post na ni-rate na false ay nababawasan ng distribution sa platform kaya’t mas kaunti ang posibilidad na makita ito ng ibang users.

Bukod sa VERA Files, kinilala rin ni Frankel ang Rappler at ang international news agency na Agence France-Presse bilang mga lokal na third-party fact-checkers ng Meta.

AUTHOR PROFILE

People's Tonight