Mayon yumanig100x, bato gumuho 201 beses!
MAHIGIT sa 201 kaganapan ng pagguho ng bato ang naitala kamakailan lamang sa Bulkang Mayon sa loob ng 24 oras.
Ayon sa Philippine Institute of Volcanology and Seismology (Phivolcs), naitala rin ang hindi bababa sa 100 pagyanig ng bulkan at mga pagbuga ng abo.
Sa parehong panahon, namataan ang pitong insidente ng pyroclastic density current mula Biyernes hanggang Sabado ng madaling araw.
Nagkaroon din ng lava flow patungo sa mga distansiyang 3.4 kilometro sa bahagi ng Bonga Gully, 2.8 kilometro sa Mi-isi Gully at 1 kilometro sa Basud Gully.
Kasabay nito, nagkaroon rin ng pagtangay ng puting usok mula sa bibig ng bulkan, na napadpad sa mga direksyong silangan-timog-silangan at silangan-hilagang-silangan dahil sa pag-ihip ng hangin.
Sa pag-aalala sa patuloy na aktibidad ng Bulkang Mayon, nasa ilalim pa rin ito sa Alert Level 3, na nagpapahiwatig na may posibilidad pa ring sumabog ang bulkan sa anumang oras, ayon sa mga dalubhasa mula sa Phivolcs.
