LTO chief, nagbitiw na
NAGBITIW sa puwesto bilang Transportation Assistant Secretary at hepe ng Land Transportation Office (LTO) na si Atty. Jose Arturo Tugade.
Epektibo sa Hunyo 1, 2023 ang pagbibitiw sa puwesto ni Tugade.
Ayon sa opisyal na pahayag ni Tugade, ang “style of management” ang dahilan kung bakit siya nagbitiw sa puwesto bilang pinuno ng LTO.
Sinabi ni Tugade na sa pagbibitiw niya sa LTO, mabibigyan ng pagkakataon umano si Department of Transportation (DOTr) Secretary Jaime Bautista na pumili ng tao na nararapat na mamuno sa iniwan niyang ahensiya.
“Even as DOTr and LTO both aim to succeed in serving the public, our methods to achieve that success differ,” ani Tugade.
“I will continue to root for the LTO’s success even as a private citizen, because I will always share in Sec. Bautista’s belief that our offices can be a formidable force for good in our country,” saad ni Tugade sa kanyang opisyal na pahayag.
Itinalaga sa LTO si Tugade noon lang Nobyembre 2022.
Nauna rito itinalaga rin na General Manager ng Manila International Airport Authority (MIAA) na siyang may direktang supervision sa Ninoy Aquino International Airport (NAIA) bago naupo bilang hepe ng LTO ang nagbitiw na kalihim.
Sa hiwalay na opisyal na pahayag, sinabi ni Bautista na pinasasalamatan nito si Tugade sa kanyang serbisyo.
“His pursuit of service innovations at LTO benefited the public, for which this office is grateful,” anang kalihim ng DOTr.
Ayon kay Bautista, magsusumite siya ng mga pangalan sa Office of the President para sa ipapalit kay Tugade.
