Kwintas na milyones ang halaga ipinahiram ni Heart kay Andrea
Super-thankful si Andrea Brillantes kay Heart Evangelista dahil sa pagpapahiram sa kanya ng milyones nitong necklace sa katatapos lamang na ABS-CBN Ball 2025.
Sa kanyang Instagram account ay ipinost ni Andrea ang kanyang outfit and look sa nasabing prestigious event.
Andrea wore an all-white suit by Nerik Beltran. Simple lang ang kanyang outfit pero elegante. Ang talagang nakatawag ng pansin sa kanyang look ay ang suot-suot niyang Bulgari Serpenti necklace.
Sa red-carpet special livestream, ni-reveal ng host na si Bianca Gonzalez na ang mamahaling kwintas na suot ni Andrea ay ipinahiram ni Heart.
“Fun fact: Did you know that her necklace was lent to her by the Heart Evangelista?” sey ni Bianca.
No wonder, sa kanyang post ay pinasalamatan ni Andrea si Heart.
“Thank you @iamhearte,” sey ni Blythe (Andrea’s real name) sa caption.
Sumagot naman sa comment section si Heart ng “anytime.”
Pati ang fans ni Andrea ay nagpasalamat din kay Heart at pinuri-puri nila ang kabaitan ng global fashion icon.
