ISLAND girl ang atake ng aktres at social media personality na si Sachzna Laparan nang ibuyangyang nito ang kanyang hotness sa beach.

Sa kanyang Instagram page, maliwanag pa sa sikat ng araw ang ginawang pagbabandera ng vlogger-actress ng kanyang sex appeal.

“Ang babaeng taga isla,” sey niya sa caption ng post.

Tila isang bulaklak na namukadkad ang pag-bloom ni Sachzna sa suot niyang two-piece floral bikini.

Pinatakam din ng internet personality ang kanyang male fans sa pamamagitan ng paglalantad ng seksing balakang nito.

Wala ngang bahid na anong kadiliman ang ibinalandra niyang makatas na sex appeal. Nag-ala kutis gatas ang balat nitong tiyak na bet na bet ng mga barakong ialmusal sa umaga at laklakin sa gabi bago matulog.

Sa isa pang kalakip na larawan sa post, makikita si Sachzna na yapos-yapos ang isang aso, banda sa kanyang dibdib at legs na nakakasilaw.

Nadagdagan na naman tuloy ng pangarap ang male fans niya. Sigaw nila sa comment section: “Gusto ko na lang maging aso!”

Buhay na buhay nga ang post ni Sachzna mula sa mga reaksyon ng netizens. Pansin nila ang pagiging fresh ng bebot at tuloy-tuloy na pagbibida nito ng kaseksihan.

AUTHOR PROFILE

People's Tonight