Kinakausap ni P/Lt. Col. Von June Nuyda, hepe ng Quezon City Police Station 4 ang suspek sa ilegal na droga matapos na maaresto ng mga operatiba sa pamumuno ni SDEU Chief P/Lt. Rommel “Balong” Baylon sa isinagawang buy-bust operation sa Novaliches, Quezon City kung saan aabot sa P10 milyong halaga ng shabu ang nakumpiska. Kuha ni Jon-jon Reyes
Kelot timbog sa P10M shabu sa Novaliches
NAKUMPISKA ng mga operatiba ng Quezon City Police District (QCPD) ang P10,200,000 halaga ng shabu sa isang drug suspek sa isinagawang buy-bust operation ng Novaliches Police Station (PS 4) Biyernes ng madaling araw sa Novaliches, Quezon City.
Ayon sa ulat ng PS 4 a pamumuno ni P/Lt. Col. Von June Nuyda, ang suspek ay pawang residente ng Bgy. San Bartolome, Quezon City.
Isinagawa ang buy-bust operation dakong ika-2:00 kaninang madaling araw, Agosto 12, 2022, sa Carlos St., Montville Place Subdivision, Bgy. San Bartolome, Novaliches, Quezon City, makaraang ipagbigay-alam ng isang confidential informant ang pagbebenta ng ilegal na droga.
Isang undercover na pulis ang nagpanggap na buyer at sa ibinigay na pre-arranged signal ay naaresto ang mga suspek.
Nasamsam ang 1.5 kilograms na shabu na nagkakahalagang P10,200,000, isang digital weighing scale, buy-bust money at ang cellphone na ginamit sa transaksyon.
Batay pa sa imbestigasyon, ang suspek ay dati ng may kaso kaugnay sa ilegal na droga at robbery hold-up.
Mahaharap ang suspek sa kasong paglabag sa R.A. 9165 o Comprehensive Dangerous Drugs Act of 2002.
