Ginang sa Correctional Institution tiklo sa estafa
NATUNTON ng mga operatiba ng Intel and Warrant Section ng Manila Police District-Ermita Police Station 5 sa Correctional Institution for Women sa Mandaluyong ang isang ginang na may kasong estafa noong Biyernes.
Tuluyan ng hindi nakalabas sa Correctional Institution si alyas Jesica, 52, ng Malate, Manila nang isilbi ang arrest warrant sa kanya ni Police Major Edwin Fuggan sa utos ni Police Lieutenant Colonel Gilbert Cruz, station commander, bandang alas-2:25 ng hapon.
Batay sa report ng pulisya, nadiskubre sa rekord ng korte na may nakabinbin na kasong estafa ang ginang.
