MATAPOS maghakot ng parangal ang Nadine Lustre-starrer na Deleter mula sa iba’t ibang award-giving bodies at manguna sa 2022 Metro Manila Film Festival (MMFF) box office, sa international scene naman eeksena ang obrang ito ni Direk Mikhail Red.

Ibinalita ito mismo ng multi-awarded director sa kanyang socmed account. Sa artcard, nasa official selection ang Deleter ng Grimmfest, Manchester’s International Festival of Fantastic Film na gaganapin sa Odeon Great Northern, October 6-8.

Sey ni Direk Mik, “Deleter will have it’s UK premiere at Grimmfest Manchester this October 7!”

Maliban dito, inilabas na rin ng Viva Films ang mga litrato mula sa look test ng Nokturno, reunion project ni Direk Mik at ng “Horror Queen” na si Nadine, na gaganap sa papel ni Jamie this time.

Makakasama ng two-time FAMAS best actress sa nasabing genre film sina Eula Valdez, Wilbert Ross at Bea Binene.

Hatid ang Nokturno ng pinagsanib na pwersa ng Viva Films, Studio Viva at Evolve Studios. Mapapanood ito sa mga sinehan nationwide soon.

AUTHOR PROFILE

Ian F. Fariñas