Chinese, Vietnamese illegal workers hinarang ng BI
HINARANG ng Bureau of Immigration noong Linggo ang Vietnamese at Chinese nationals na hinihinalang gustong pumasok sa bansa para sa ilegal na trabaho.
Ayon kay Immigration Commissioner Norman Tansingco, naharang ang dalawa sa NAIA Terminal 3 pagdating bilang mga turista.
Unang naharang si Ding Junda, 20, isang Chinese national na dumating lulan ng Xiamen Air Airlines flight mula China at sinabing bibisita sa kamag-anak sa loob ng walong araw.
Kinabukasan, naharang ang Vietnamese na si Ngyuen Thi Tuyet Trang, 22, na dumating lulan ng Air Asia Airlines flight mula Thailand at pupunta daw sa Tagaytay para sa holiday.
Sa secondary inspection, kaduda-duda na ang pahayag ng dalawa.
Sinabi ni Ding na papasok siya bilang parcel delivery rider habang si Nguyen umaming nagtatrabaho bilang nail technician kahit tourist visa lang ang hawak.
“They were denied entry after our officers determined that they were likely to become public charge, as stipulated by the provisions, resulting in their classification as excludable aliens under our immigration laws,” sabi ni Tansingco.
