British natagpuang patay sa bahay
PATAY na natagpuan ang 77-anyos na British national noong Linggo sa apartment sa Angeles, Pampanga.
Ayon kay Angeles City police acting director Col. Joselito Villarosa Jr., humingi ng tulong ang caretaker ng apartment sa mga opisyal ng barangay ng madiskubre ang wala nang buhay na dayuhan na nakahiga sa kama ng kanyang bahay sa Clark Ave., Brgy. Anunas, Angeles City.
Sinabi sa mga rumespondeng pulis ng anak ng dayuhan na ang kanyang ama may hika at hypertension.
Walang nakitang sugat ang mga pulis sa katawan ng dayuhan at wala ring bakas ng pakikipaglaban sa loob bahay.
