Babae tinodas, tumodas tinodas ang sarili
PATAY ang isang babaeng may-ari ng tindahan matapos barilin ng nobyo na nagbaril din sa sarili sa Brgy. Maguihan, Lemery, Batangas noong Miyerkules.
Sinabi sa report na dakong alas-9:20 ng umaga nag-aasikaso ang biktima ng kanyang tindahan nang biglang dumating ang suspek na si alyas Edgar at walang sabi-sabing binaril ang babae.
Matapos barilin ang biktima, nagbaril rin sa sarili ang suspek na napag-alamang jowa ng biktima.
Isinugod ang biktima at suspek sa ospital pero idineklarang dead-on-arrival ng attending physician na si Dr. Ramonsixto Castillo.
Narekober ng mga pulis ang isang cal. 9mm pistol, isang bala at dalawang basyo ng bala mula sa pinangyarihan ng krimen.
