NEW Viva princess. Ganyan ipinakilala ang anak nina Aga Muhlach at Charlene Gonzalez na si Atasha Muhlach nang pormal na pumirma ng kontrata sa Viva Artists Agency (VAA) kahapon.

Sa mediacon, present ang buong pwersa ng Viva Entertainment, sa pangunguna ni Boss Vic del Rosario kasama sina Vincent, Veronique, Valerie at Verb del Rosario, para i-welcome ang 21-year-old showbiz royalty.

Ani Atasha, 10 years old pa lamang siya ay pangarap na niyang sumabak sa showbiz. Ngayong graduating na siya sa Business program sa Nottingham, United Kingdom, pinayagan na siya nina Aga at Charlene na i-pursue ang childhood dream na ito.

Hindi lang pag-arte ang papasukin ng kakambal ni Andres Muhlach kundi maging ang pagkanta rin.

Katunayan, nagpa-sample siya ng audition piece niya kay Boss Vic, ang If I Ain’t Got You, signature hit ng international singer na si Alicia Keys.

Bukas daw si Atasha sa pakikipagtrabaho sa lahat pero bet niyang maka-collab si Gary Valenciano pagdating sa musika.

Kwento pa niya, kinagiliwan niya ang pagganap ni Charlene bilang sirena sa Dyesebel kaya kung mabibigyan ng pagkakataon, eh, gusto niyang gawin ito.

“When I was younger, I used to think that my mom was a mermaid because they would show photos of my mom and I’d see her with a tail and they’d go along with it saying, ‘oh, look, you’re mom is a mermaid and my dad would say ‘yeah, it’s true, it’s true.’ So whenever we’d go wakeboarding in Taal Lake, I would be swimming and I’d be thinking, at any point, I’m gonna transform into a mermaid,” pagbabalik-tanaw ng dalaga.

Hindi rin isinasara ni Atasha ang posibilidad ng pagsali sa beauty pageant at sundan ang mga yapak ni Charlene, pero sa ngayon, “I’d like to take things one at a time,” aniya.

AUTHOR PROFILE

Ian F. Fariñas