Suspek sa panggagahasa natiklo
NAHULI ng mga pulis ang lalaking may kinakaharap na kasong panggagahasa noong Linggo sa Las Piñas City.
Natunton ng mga tauhan ni P/Col. Sandro Jay Tafalla, hepe ng Las Pinas police, ang pinagtataguan ni alyas Prado sa Balikatan St., Brgy. CAA bago mag-alas-12:00 ng tanghali.
Sa ulat kay Southern Police District (SPD) acting director P/BGen. Joseph Arguelles, hindi sumisipot ang suspek sa pagdinig para sa kaso niyang rape na isinampa ng babaeng biktima.
Nakapiit ang akusado sa custodial facility ng Las Piñas police.
