Jennylyn at Dennis suportado ng GMA sa bagong production outfit
KAPANSIN-PANSIN na wala si Jennylyn Mercado sa katatapos na GMA Gala 2024 sa Manila Marriott Hotel Grand Ballroom at mag-isang rumampa sa red carpet ang mister niyang si Dennis Trillo.
Marami tuloy ang naiintriga kung maayos ba talaga ang pagsasama ni Jennylyn at ng Kapuso network, lalo pa nga’t hanggang ngayon ay hindi pa nare-renew ang kontrata ng aktres sa kanyang homegrown station.
Anyway, sa bonggang launch naman ni Jennylyn para sa Threemendous Trio ng Beautederm ni Rhea Anicoche-Tan kamakailan, nilinaw na rin niya na may ilang detalye pang nine-negotiate para sa renewal ng contract niya sa GMA.
Kaugnay ng pagtatayo nila ni Dennis ng sariling production outfit, ang Brightburn Entertainment, iginiit ni Jennylyn na suportado sila rito ng Kapuso network.
“Oo, suportado kami ng aming network. Soon, ia-announce namin ang aming first project. Excited kaming gumawa…,” diin ng aktres.
Ipinaliwanag niya na bilang 20 years na silang mag-asawa sa industriya, gusto nilang mag-produce ng quality movies kaya nila itinayo ang Brightburn Entertainment.
“Parang bakit hindi tayo mag-produce, ’di ba? Parang isa ‘yun sa mga passion namin ni Dennis, eh, lalo na ‘pag may project na pumapasok, ‘yung ganu’n. Gusto natin ng magandang script, gusto natin ‘yung production na gagawa nu’ng pelikula natin, maayos.
“Maganda ‘yung release, so parang sa pagiging meticulous namin, gusto naming ilatag du’n sa production namin, gusto nating i-apply lahat ng kaalaman namin du’n sa production namin. So, nag-decide kaming gumawa ng… siyempre, gusto namin quality film, magandang script, magaling na writer, maganda ‘yung platform kung saan namin ilalabas. So ‘yun, nagdesisyon kami na gumawa ng… siyempre hindi naman du’n ‘yun magsasara na hindi na kami pwedeng gumawa sa iba. Gagawa pa rin kami sa iba. Pero siyempre, gusto namin makagawa ng quality na pelikula,” pahayag ni Jennylyn.
Samantala, inaasahan nang magiging busy ang aktres bilang bagong A-list endorser ng Beautederm na nagse-celebrate ng 15th anniversary.
Si Jennylyn nga ang mukha Threemendous Trio line na kinabibilangan ng Cristaux Retinol (anti-aging), Cristaux Vitamin C (brightening) at Cristaux Hydra-Beauty (anti-acne).
Sa totoo lang, ani Miss Rhea, matagal na niyang gustong kunin si Jennylyn bilang endorser pero ngayon lang natuloy.
Kaya naman ganu’n na lang ang pasasalamat niya sa pagpayag ng aktres.
“I follow Jennylyn Mercado on Instagram. Some of her dear friends also told me before that she’s a nice person. Her star power and huge social media following will hopefully connect us to more consumers. Jennylyn embodies grace and beauty.
Pagpapatuloy ng Beautederm CEO, “I welcome Jennylyn to the Beautéderm family. I hope this partnership will inspire Filipinas across the country to feel confident and beautiful in their own skin.”
Para naman sa Kapuso actress, “Ms. Rhea Tan is an inspiration to everyone. She’s really good at what she does — business. People look up to her. People follow her. You know why? Because she’s authentic and sincere. She protects her brand and she values her consumers. I am very grateful for her trust and for the trust of her company. I believe in the products.”
Formulated with high-quality ingredients, ang Cristaux Retinol (anti-aging), Cristaux Vitamin C (brightening) at Cristaux Hydra-Beauty (anti-acne) ay available sa Shopee, Lazada, TikTok at Beautéderm stores nationwide.
