Lalaki tigok sa RIT
PATAY ang isang driver ng barilin ng isa sa riding-in-tandem (RIT) noong Linggo sa P. Guevarra St., Sta. Cruz, Laguna.
Idineklarang dead-on-arrival ni Dr. Alejandro Canlas ng Laguna Medical Center ang biktimang si alyas Jayson dahil sa tama ng bala sa katawan.
Dakong alas-3:00 ng umaga habang nakaparada sa P. Guevarra St., Brgy. Poblacion 3 ang tricycle ng biktima ng biglang dumating ang dalawang suspek at pinutukan siya sa katawan ng ilang beses.
Tumakas ang mga suspek patungo sa Brgy. Pagsawitan, ayon sa mga pulis.
