Alden inaming broken-hearted last year
INAMIN ng aktor na si Alden Richards na broken hearted siya noong umpisa ng nakaraang taon.
Sa panayam kasama ang TV host-actress na si Toni Gonzaga, napag-usapan nila ng ‘Family of Two’ actor kung kailan ito huling na-broken hearted.
Sey ni Alden, marami raw aspeto sa kanyang buhay ang naging dahilan kung bakit durog ang kanyang puso sa mga panahong iyon.
“Start of 2023, First three months of it. Brokenhearted in a lot of aspects. I was depressed for three months,” wika ng aktor.
“This is how I define that phase in my life na down ako. I was ungrateful. I was very ungrateful. I think pumasok ‘yung element na, bakit kaya si ganu’n, ganito. I compared myself to other people,” pagpapatuloy pa niya.
“Parang kinain ko ‘yung sinabi ko na hindi ko kinukumpara ‘yung sarili ko sa iba. I tend to focus on myself. Pero what happened?” dagdag pa ni Alden.
Binigyang punto naman ni Toni ang mga sinabi ni Alden, na ang lahat ng tayo ay maaaring makaramdam ng insecurities kahit gaano pa ito kasikat, kaganda o kagwapo.
