47M Japanese Yen naharang ng BOC-NAIA
DALAWANG araw matapos magsagawa ng joint inspection sa currency declaration ang Bureau of Customs-Ninoy Aquino International Airport (NAIA), Anti-Money Laundering Council (AMLC), at Bangko Sentral ng Pilipinas (BSP), naharang ng BOC-Ninoy Aquino International Airport ang 47 milyong Japanese Yen (P17.2 milyon) noong Hulyo 27 sa Terminal 3 sa Pasay City.
Nadiskubre ang hindi idineklarang pera sa check-in baggage na dala ng isang Korean national sa routine x-ray inspection.
Isinailalim sa physical examination ang bag at nadiskubre ang mga bundle ng Japanese Yen.
Ang pasahero ay sasampahan ng paglabag sa regulasyon ng BSP kaugnay ng Cross Border Transfer of Currencies at Republic Act No. 10863 o ang Customs Modernization and Tariff Act.
“Illegal activities such as this undermine the integrity of the financial system and puts the Philippines at risk of becoming a potential hub for financial crimes. We are determined to crack down on these schemes thru active coordination with AMLC, BSP, and other law enforcement agencies involved,” ani Customs Commissioner Bienvenido Y. Rubio.
“We are actively strengthening our efforts to combat money laundering and terrorist financing through enhanced measures and proactive collaboration,” dagdag pa nito.
