GUIMBA, Nueva Ecija–Sumuko na ang 10 magsasaka na miyembro ng Liga ng Manggawang Bukid (LMB) sa Alyansang Magbubukid sa Gitnang Luzon (AMGL) noong Miyerkules.

Sinabi ni Nueva Ecija police chief Col. Richard Caballero na nangako ang 10 miyembro ng LMB ng kanilang katapatan at pumirma ng pangako ng suporta sa gobyerno na nagpapahayag ng kanilang pag-withdraw ng pagiging miyembro sa AMGL.

Isinagawa ang pagsuko sa Brgy. Nagpandayan dakong alas-10:45 ng umaga sa pangunguna ni Major Bryan Christopher Baybayan.

Sinabi ni Baybayan na ang nagbigay ng testimonya ang LMB organizer sa ginanap na programa.

Gayundin, may mga relief packs na ipinamahagi sa mga kalahok alinsunod sa PNP Community Outreach Program ng Police Regional Office 3.

Sinabi ni Caballero na: “Hinihikayat ko ang natitirang mga miyembro ng grupo na umalis at bumalik sa panig ng gobyerno dahil wala silang ipinaglalaban sa kanilang walang kabuluhang krusada.”

AUTHOR PROFILE

Steve A. Gosuico