G NA G na nga ang Idol Philippines winner na si Zephanie Dimaranan na sumabak sa mas malalaking project sa showbiz ngayong pormal na siyang ipinakilala bilang pinakabagong addition sa Sparkle family ng GMA Network.

Sa “sparkling launch” ni Zephanie sa Kapuso channel nu’ng Huwebes, sinabi ng 19-year-old na, “Acting is in my bucketlist.”

Pagbabalik-tanaw niya, “I started (my career) on GMA. Acting po kasi we thought it was a singing contest, ’yun pala teleserye siya about singing contests. But isa po ako sa mga napili ru’n.”

Naging parte nga si Zephanie ng GMA-7 soap na Biritera” sa edad na siyam nu’ng 2012.

Ngayong isa na siyang certified Kapuso, bet makatrabaho ng singer ang mga tulad nina Julie Anne San Jose, Lani Misalucha, Mark Bautista at Christian Bautista.

Pagdating naman sa pag-arte, type niyang makapareha sa isang proyekto paired sina Jake Vargas at Derrick Monasterio.

“Masaya ako sa bagong chapter. I’m really excited to be back on stage. This is where I want to grow,” ani Zephanie na ang feel na projects ay drama o kaya naman ay teen romance.

Sa totoong buhay, loveless daw ang dalaga.

“Kung ibibigay ni Lord…,” pahayag niya.

Mahilig daw siya sa matatangkad at siyempre, moreno. Bonus na kung marunong din itong kumanta gaya niya.

Paliwanag ni Zephanie, “May dating ’pag kumakanta siya, lalo na kung OPM or kundiman, iba talaga ang dating.”

Kabilang sa mga nag-welcome sa kanya sa Kapuso network ay ang executives na sina Gigi Lara at Johnny “Mr. M” Manahan.

“We are very happy to welcome Zephanie to the Sparkle family. She will be singing the summer theme for Sparkle so we hope everyone will watch out for that. Her Kapuso family is also excited to welcome Zephanie in All-Out Sundays this Sunday. We really want to harness the powerhouse talent of Zephanie, to watch her grow as an artist, and to see her in more programs and projects in GMA,” sey ni Miss Gigi.

Sabi naman ng Cornerstone vice president na si Jeff Vadillo shared, “We are excited, Zephanie will shine even more with our new partnership with Sparkle. Looking forward to new possibilities and platforms where Zephanie can showcase her talents.”