Vice maagang nag-OPM ng Christmas bonus
This early ay nangako na ng Christmas bonus si Vice Ganda sa staff ng “It’s Showtime” kaya naman super-happy ang buong production staff.
Mismong sa harap ng camera pa nag-promise si Vice sa episode ng noontime show kamakailan.
“‘Wag kayong mag-alala, sa mga pinakamamahal kong mga Kapamilya dito sa Showtime, hindi kayo maiiwan sa laylayan. Sisiguraduhin ko yan,” sabi ng Unkabogable Star.
Nagsigawan naman ang mga co-host sa sinabi ni Vice.
“Siyempre, mahal na mahal ‘yan. ‘Yan ang mga nagpapakahirap para sa programang ‘to!” ani Meme Vice.
“Tayo, eh, umaarte-arte lang dito from 12 to 2:30 (pm). Ako nga, from 12:30, eh, to 2:30. Pero sila hanggang gabi, hanggang madaling araw,” dagdag pa niya.
“Kaya pramis, may bonus kayo sa ‘kin. Yes, may bonus sa’kin ang Showtime family natin,” pag-ulit pa ni Vice sa kanyang pangako.
