
VIC, HINANAP SI ALDEN KAY SHARON
Hinanap ni Vic Sotto si Alden Richards kay Sharon Cuneta nang mag-guest ang Megastar sa E.A.T. ng TV5 noong Biyernes.
Nag-guest si Shawie sa nasabing noontime show para mag-promote ng Metro Manila Film Festival 2023 entry Family of Two (A Mother and Son Story) na pinagbibidahan nila ni Alden.
Naglaro rin siya sa “Peraphy” segment ng show.
Tanong ni Bossing kay Shawie, “Hindi mo sinama si Richard.”
Sagot ni Shawie, “Richard?”
Birong sagot ni Vic, “Reynoso.”
Sey niya ulit, “Si Alden, sana sinama mo.”
Sagot naman ni Sharon, “Eh parang ano, hindi ko alam kung pinayagan, eh.”
Natawa na lang si Vic.
Dagdag ni Sharon, “Gustong sumama talaga (ni Alden), oo.”
As we all know, malabo talagang makapag-guest sa ngayon si Alden sa E.A.T. dahil contract star siya ng GMA-7 kung saan umeere ang Eat Bulaga.
Matatandaang kamakailan ay nag-guest na si Alden sa It’s Showtime dahil sa sister station ng GMA-7 na GTV ito ipinapalabas.