BUMUO ang Department of Agriculture (DA) ng technical working group (TWG) para pag-aralan kung maaaring gumawa sa Pilipinas ng bakuna para sa foot-and-mouth disease (FMD).

Itinalaga ni DA Secretary Francisco Tiu Laurel Jr. si Assistant Secretary for Swine and Poultry Constante Palabrica bilang chairman ng TWG.

Ayon kay Tiu Laurel, kahit na kinilala na ng World Organization for Animal Health bilang FMD-free ang Pilipinas kahit na walang vaccination practice simula noong Mayo 2014 magkakaroon pa rin ng malaking epekto sa ekonomiya kapag nagkaroon ng outbreak ng FMD sa bansa.

Matagal nang hindi nagpabakuna ang bansa ng mga hayop laban sa FMD. Kabilang sa mga hayop na maaaring dapuan ng FMD ang baka, baboy at kambing.

Nakapagtala na ang Indonesia, Thailand at Vietnam ng kaso ng FMD.

“To maintain the country’s status (as an FMD-free jurisdiction), and prepare it for contingencies, there’s a need to explore the viability and feasibility of manufacturing FMD vaccines locally to be used in the prevention and control of FMD incursions,” sabi ni Tiu Laurel.

Magbibigay ang grupo ng technical inputs upang malaman kung maaaring mag produce ng lokal na bakuna para sa FMD.

AUTHOR PROFILE

Cory Martinez