Tricycle sinalpok ng drag racer, 2 tigok, 1 kritikal
DALAWA ang patay at isa ang nasa kritikal na kalagayan ng mabangga ng drag racer ang tricycle noong Sabado sa Libungan, Cotabato.
Patay si John Lloyd Calawigan at Genevieve Daclan Villela, pasahero ng tricycle, at kritikal ang asawa ni Villela na si Florante na nagmamaneho ng tricycle.
Naganap ang aksidente sa gitna ng pakikipagkarera ni Calawigan sa mga kapwa drag racer sa lugar.
Sa ulat ng PNP, nabundol ng motorsiklo ni Calawigan ang likurang bahagi ng tricycle ng mag-asawa sa bahagi ng Cotabato-Kidapawan Highway sa Barangay Ulamian.
Sa lakas ng impact, dead-on-the-spot ang dalawa habang sugatan ang mister ng ginang.
Matagal na ang drag racing sa lugar pero hindi naa-aksyunan, ayon sa report.
