Transgender, bf arestado sa shabu
ARESTADO ang magkasintahan na sinasabing notoryus sa pagnanakaw at pagbebenta ng ilegal na droga sa Quezon City.
Kinilala ang mga suspek na sina John Kenneth Valera, 25, at Jasper De Guzman, 21, transgender.
Ayon kaya Brig. Gen. Nicolas Torre III, Quezon City Police District (QCPD) director, nakumpiska mula sa mga suspek ang nasa 20 gramo ng shabu na nagkakahalaga ng P136,000.
Magsisilbi lang umano ng warrant of arrest ang mga operatiba ng Novaliches Police Station kay Valera dahil sa kasong theft pero nadiskubre umano ang ilang pakete ng shabu sa bahay ng suspek.
Agad na inaresto si Valera kasama ang kanyang kinakasama na si De Guzman.
Bukod dito ay may dati ng kaso na may kaugnayan sa pagtutulak ng droga si Valera.
