Toni, natuto ng humility kay Joey
HUMILITY. ‘Yan daw ang numero unong natutunan ni Toni Gonzaga kay Joey de Leon, dati niyang kasamahan sa Eat Bulaga at ngayo’y co-star sa 2022 Metro Manila Film Festival (MMFF) entry na My Teacher.
Ani Toni sa mediacon ng 20th anniversary concert niyang I Am… Toni sa Winford Manila, “’Pag nakatrabaho ka talaga ng icons and legends sa industriya, makikita mo ‘yung rason kung bakit sila tumagal sa industriya is because of the humility that they have. And work ethic. ‘Yung napansin ko kay Tito Joey, ‘pag may call time siya, mas maaga pa siyang dumarating sa call time. Grabe!
Even after four decades of being in showbiz. Sobrang respeto pa rin niya sa tao sa set, sa call time, sa mga katrabaho niya and he treats everyone equally.”
Plantsado na nga ang pagbisita niya sa EB one of these days para mag-promote ng My Teacher na produced ng TinCan at Ten17 mula sa direksyon ng mister niyang si Paul Soriano.
Samantala, sorpresa pa kung sinu-sino ang magiging guests niya sa I Am… Toni na gaganapin sa January 20, 2023 sa Araneta Coliseum.
Jointly produced ng Godfather Production ni Joed Serrano at Mommy Pinti, hatid ito ng Ever Bilena at Hello Glow.
