KAAYA-AYA ang halimuyak ni Ayah sa social media, kaya ang lahat ng napapadaan sa kanyang pages at contents ay automatic na naaaya.

Reyna nga kung ituring sa digital world at content creation ang TikTok star na si Ayah Alfonso.

Sa TikTok account pa lang niyang @queenayah008 na may higit 330K nang followers ay talagang mahuhumaling na sa mga video ng social media star.

Todo enjoy ang kanyang mga tagahanga sa lifestyle videos, lip syncing at dancing videos ni Ayah sa nasabing video-sharing app.

Maging sa Instagram mapapa-wow sa star factor ng bebot. Mula sa beauty hanggang sexiness, pinupusuan ng kanyang higit 145K followers sa account na @queenayahalfonso ang mga post ni Ayah.

Hindi nga lang sa social media bumibida ang TikTok star, si Ayah ay isa ring TV commercial model at nakakapag-guest sa samu’t saring events. Patunay nga lang ang mga ito na si Ayah tumatagos sa screen ang talento at karisma.

AUTHOR PROFILE

People's Tonight