UUSISAIN mo ngang maigi ang TikTok star na si Jane Usison dahil sa husay nito bilang Filipina digital creator.

Hindi na rin naman nakapagtataka ang lumolobo niyang suporta mula sa netizens, dahil sa TikTok account pa lang niyang @janeusison29 na may higit 340K nang followers, may kinang ang bebot sa pagsho-showcase ng kanyang karisma.

Iba’t iba nga ang kaya niyang ipakita: mula sa pag-lip sync at pag-awra sa mga nakakatuwa at nakakatunaw na viral songs sa video-sharing app, hanggang sa paggamit ng templates, pati na lifestyle videos ay kayang ihain ni Jane.

Sa Instagram naman, magandang dilag ang atake ng social media star. Ang kanyang account na @usisonjane ay makikitaan ng mga pasabog niyang selfies at killer body. Seksing-seksi nga si Jane sa bikini at sexy outfits niya na tinatadtad ng heart reacts ng kanyang male followers.

An-JANE na nga ang TikTok star na si Jane, madarang sa kanyang apoy, dahil sure na hindi maiiwasang tumingin sa kanyang liwanag.

AUTHOR PROFILE

People's Tonight