KUNG ganda at kaseksihan ang pagbabasehan para kilalanin ang TikTok star na si Donna Brizuela, hindi mo aakalain na makulay ang kaya niyang ihain na personality bilang digital creator.

Ilang taon na ring namamayagpag ang ngalan ni Donna sa nasabing social media platform. Sa account niyang @drbrizuela na may halos isang milyong followers na, matutunghayan ang flavorful na social media star.

Mula sa kanyang mga lip syncing videos, lifestyle, maging ang kanyang mini vlogs, hanggang sa mga nakakaaliw niyang content, ang nagsilbing ebidensya para marating ni Donna ang pagiging ganap na TikTok star.

Kahit na gumawa man siya ng panibagong account na may username na @donnatot16, kering-kering sundan ng kanyang mga tagasuporta ang yapak ng content creator. Sa ngayon nga ay may higit 600K na ang followers nito.

Sa Instagram din ay hindi pahuhuli ang ating TikTok star ngayon, sa halos 40K followers sa account niyang @drbrizuela16, kaabang-abang ang pasabog na mga larawan ni Donna. Petmalu kung ibandera niya ang kanyang kaseksihan at kagandahan sa kanila. Winner din sa mga travel photos at lifestyle ang digital creator na mababakas sa mga post nito.

AUTHOR PROFILE

People's Tonight