TIKTOK STAR OF THE DAY
“LIVE your life to the fullest” ang mantra ng TikTok star at beach lover na si Kei Reese na talaga namang nakikipagtalbugan sa pagningning sa nasabing social media platform.
Si Clarice Ann Bueno o mas kilala ng kanyang mga social media followers bilang “Kei Reese” ay isang TikTok sensation at content creator na sumasabay sa pamamayagpag ng iba sa nasabing social media platform.
Sa kasalukuyan, ang TikTok star ay mayroong 557.3 thousand followers at 4.2 million likes sa kanyang account na may username na @lifeofkeireese_onig. Bukod pa rito, sinusubaybayan din ng netizens ang dalaga sa verified account niya sa Instagram, na mayroon nang 69.8 thousand followers sa kasalukuyan.
Ibinabandera ng TikTok star ang kanyang angking ganda, kaseksihan, pagiging fashionista, at husay sa pagsayaw sa kanyang social media dahilan para magningning ang kanyang ngalan.
Ilan sa kanyang mga video ang nakaagaw ng atensyon, kabilang na ang kanyang dance video sa viral dance challenge na “Bounce When She Walk” na mayroong 2.3 million views. Pinusuan din ng netizens ang video niya habang naka bikini na sumasayaw sa challenge na “Beauty and a Beat” na mayroon nang 2.2 million views sa kasalukuyan.
Si Kei Reese ay “more than her nice body” dahil unti-unting nakikilala ang ngalan niya sa mundo ng social media bilang digital creator at ilan nga sa mga ebidensiya nito ang tumataas at epektibong engagements ng kanyang mga content.
