TIKTOK STAR OF THE DAY
HINDI maikakaila ang taglay na ganda ng digital creator na si Melody at patunay nga diyan ang kanyang epektibong presensiya sa social media platform na TikTok.
Si Melody Anne Seña o mas kilala ng kanyang mga social media followers bilang “Melody” ay isang 23-anyos TikTok sensation at content creator na sumasabay sa pamamayagpag ng iba sa nasabing social media platform.
Sa kasalukuyan, ang TikTok star ay mayroong 395.1K followers at 3.6M likes sa kanyang account na may username na @mmelodyanne. Bukod pa rito, sinusubay-bayan din ng netizens ang dalaga sa Instagram, na mayroon nang 114K followers sa kasalukuyan.
Ibinabandera ng TikTok star ang kanyang angking ganda, kaseksihan, skills sa pagme-makeup, pagiging fashionista, at husay sa pagsayaw sa kanyang social media dahilan para magningning ang kanyang ngalan.
Tunay ngang unti-unting nakikilala ang ngalan ni Melody sa mundo ng social media bilang digital creator at ilan nga sa mga ebidensiya nito ang kali-kaliwang brand partners ng dalaga.
