BUMUO si Pangulong Ferdinand “Bongbong” Marcos Jr. ng isang tanggapan na magbibigay proteksyon sa mga kabataan laban sa tumataas na kaso ng online child sexual abuse at exploitation cases.

Nakasaad sa Executive Order (EO) No. 67 na nilagdaan ni Executive Secretary Lucas Bersamin ang pagbuo ng Presidential Office for Child Protection (POCP).

Layunin nito na maproteksyunan ang mga bata laban sa physical at mental distress.

“In view of the increasing OSAEC (Online Sexual Abuse of Exploitation of Children) cases and other threats to the welfare of children in the Philippines… it is imperative to ensure a whole-of-nation approach in strengthening existing institutional and legal framework on child protection,” saaad ng EO.

Tungkulin ng POCP na i-monitor at tiyaking naipatutupad ang mga program,a polisiya ng gobyerno.

Pinatutukan din ng EO ang kapakanan ng mga bata, ang anti-OSAEC, anti-child human trafficking matters, at anti-CSAEM (Child Sexual Abuse or Exploitation Materials).

Pinagsusumite ang POCP ng mga policy recommendations sa Pangulo.

Pamumunuan ang POCP ng Presidential Adviser for Child Protection (PACP)at pangangasiwaan ng Special Assistant to the President (SAP).

Magigng miyembro ng POCP ang National Coordination Center, Inter-Agency Council Against Trafficking (IACAT), Council for the Welfare of Children (CWC), National Council Against Child Labor (NCACL)at Committee for the Special Protection of Children (CSPC).

AUTHOR PROFILE

Chona Yu