KAMPO HENERAL MIGUEL MALVAR, Batangas–Nasakote ng mga pulis ang lalaking may kasong panggagahasa noong Huwebes sa Brgy. Marawoy, Lipa City, Batangas, ayon kay Batangas police director P/Col. Jacinto Malinao, Jr.

Nahuli ang suspek na si alyas Patrick bandang alas-8:27 ng umaga ng mga miyembro ng Lipa police.

Hinuli siya sa bisa ng warrant of arrest na inisyu ni Presiding Judge Noel Lindog ng Family Court, Branch 2 ng Lipa City, Batangas dahil sa statutory rape at act of lasciviousness.

Walang inirekomendang piyansa para sa temporary liberty ng suspek, ayon sa mga pulis.

Inihahanda na ang mga kaukulang dokumento para sa mga kasong haharapin ng akusado.

AUTHOR PROFILE

Jojo C. Magsombol