CAMP BGEN Paciano Rizal–Nasakote ng mga pulis ang lalaki dahil sa kasong murder sa manhunt noong Huwebes sa Biñan City, Laguna.

Ayon sa ulat ni PLt. Col. Jonathan Robert Rongavilla, hepe ng Biñan Component City Police Station, nagkasa ng operasyon ang Binan City police at nahuli si alyas Rold bandang alas-8:30 ng gabi sa Brgy. Dela Paz.

Nahuli si alyas Rold sa bisa ng warrant of arrest na inilabas ng Regional Trial Court Branch 206 ng Muntinlupa City na nilagdaan ni Judge Gener Gito.

Walang inirekomendang pyansa para sa pansamantalang paglaya ng suspek.

Kasalukuyang nasa kustodiya ng Biñan police ang akusado.

AUTHOR PROFILE

Gil Aman