Suspek sa kidnap, rape tiklo sa Clark
KAMPO HENERAL MIGUEL MALVAR, Batangas–Arestado kamakailan ang suspek sa kidnapping at panghahalay sa Gil Puyat Avenue, Clark City, Mabalacat, Pampanga, ayon sa report ni Batangas police director P/Col. Samson Belmonte kay Police Regional Office (PRO) 4A director P/Brigadier Gen. Paul Kenneth Lucas.
Hindi umalma ang suspek na si alyas Lester, 35, steelman, at nakatira sa Mabalacat, Pampanga.
Natiklo si alyas Lester ng joint operation ng Batangas City Police Station at iba pang police units dahil sa forcible abduction with rape bandang alas-8:55 ng umaga sa bisa ng warrant of arrest na inilabas ng Regional Trial Court (RTC) Branch 1 ng Batangas City.
“Patuloy ang Batangas PNP sa pagpapaigting sa kampanya laban sa kriminalidad at mga nagtatago sa batas upang panagutin ang may kasalanan at mabigyan ng hustisya ang mga naging biktima,” sabi ni Belmonte.
