NAARESTO ng mga pulis ang pinaghihinalaang tulak ng shabu sa Don Hilario Avenue, Brgy. San Juan Taytay, Rizal noong Lunes at nakasabat pa ng mahigit P200,000 halaga ng shabu.

Kinilala ng Taytay Municipal Drug Enforcement Team (TMDET) ang naarestong suspek na si alyas Adonis, 53, na naaresto bandang alas-12:15 ng hatinggabi.

Base sa report ng TMDET, nahuli ang suspek matapos magpanggap ang isang pulis na poseur-buyer.

Nakumpiska mula sa suspek ang humigit-kumulang 30 gramo ng shabu na nagkakahalaga ng mahigit P204,000, 1 P200 bill na buy-bust money, 6 na P50 bill at isang pouch.

Dinala sa Rizal Provincial Forensic Unit para sa tamang dokumentasyon at disposisyon ang mga nakumpiskang ebidensya.

Nakakulong ang suspek sa Taytay Custodial Facility at nahaharap sa reklamong paglabag sa R.A 9165 (Comprehensive Dangerous Drugs Act of 2002).

AUTHOR PROFILE

Gil Aman