Sinibak na pulis balik pwesto na–QC mayor
BALIK serbisyo na ang pulis ng Quezon City Police District (QCPD) na nakuhanan ng video na nagpahinto sa daloy ng trapiko sa Commonwealth Avenue dahil sa maling akala na dadaan ang convoy ni Vice President Sara Duterte, ayon kay Mayor Joy Belmonte.
Piinasalamatan ni Belmonte si QCPD director P/BGen. Redrico Maranan sa pagpapabalik kay Police Executive MSgt. Verdo Pantollano sa kanyang pwesto.
Sinibak ang pulis matapos ang insidente noong Setyembre.
Ayon kay Belmonte, hinimok niya si Maranan na ibalik ang na-relieve na pulis matapos linawin ng Metropolitan Manila Development Authority (MMDA) na “normal practice” ang pansamantalang pahintuin ang mga motorista bilang paggalang sa mga VIP.
“We promote fairness and justice in our city and ensure that no one will bear the burden for something that is not their fault,” anang alkalde.
Dagdag ng alkalde, naniniwala siyang “VIP” lamang ang binanggit ng pulis ngunit hindi mismong si Vice President Sara Duterte.
