Showbiz celebs, wagi sa iba’t ibang posisyon … ‘ASAP’ stars, taob kina Andrew at Toni
TAPOS na ang halalan 2022 at kasalukuyan pang binibilang ang unofficial at partial results pero ang ilang showbiz celebrities na tumakbo sa mga lokal na posisyon, naiproklama na sa kani-kanilang lugar na nasasakupan.
Kabilang dito si Yul Servo (Manila vice mayor), Ejay Falcon (vice governor ng Oriental Mindoro), Lucy Torres at Richard Gomez (mayor ng Ormoc City at congressman ng 4th district ng Leyte, respectively), Arjo Atayde (congressman, 1st district ng Quezon City), Javi Benitez (mayor, Victorias City, Negros Occidental), Cutie del Mar (congresswoman, 1st District, Cebu), Jolo Revilla (congressman, 1st District, Cavite), Lani Mercado (congresswoman, 2nd District, Cavite), Daniel Fernando (governor, Bulacan), Alex Castro (vice governor, Bulacan), Jhong Hilario (councilor, Makati City), Jason Abalos (board member, 2nd District, Nueva Ecija), Angelu de Leon (councilor, Pasig City), Vandolf Quizon (councilor, Parañaque), Aiko Melendez (councilor, Quezon City), Alfred Vargas (councilor, Quezon City), JC Parker Aguas (councilor, Angeles, Pampanga), James Yap (councilor, San Juan) at Ervic Vijandre (councilor, San Juan).
Sa national positions naman, pasok ang mga pangalan nina Robin Padilla, Loren Legarda, Raffy Tulfo at Jinggoy Estrada sa pagka-senador.
Ikinalungkot naman ng marami sa showbiz ang pagpwesto ni dating Quezon City Mayor/senatoriable Herbert Bautista sa 14th place at umaasa na aangat pa ito sa listahan pagpasok ng official results.
Anyway, wagi rin ang tingin ng netizens at fans sa avid UniTeam supporters na sina Andrew E. at Toni Gonzaga dahil sa napakalaking kalamangan nina presidentiable Bongbong Marcos at vice presidentiable Sara Duterte sa bilangan.
Sina Andrew at Toni lang daw pala, eh, sapat nang itapat sa sandamakmak na celebrities na umanib naman sa kalabang tandem ng BBM-Sara na sina VP Leni Robredo at Sen. Kiko Pangilinan.
May isang meme pa nga sa social media na nagsabing walang binatbat ang mala-ASAP na celebrity endorsers ng Kakampinks kina Andrew at Toni.
Kabilang sa mga suporta nang todo sa Team Rosas ang Kapamilya stars na sina Angel Locsin, Kim Chiu, Maja Salvador, Vice Ganda, Robi Domingo, Gary at Gab Valenciano, Donny Pangilinan, Andrea Brillantes, Kathryn Bernardo, Daniel Padilla, Anne Curtis, Catriona Gray at marami pang iba.
Maging ang Kapuso pair na sina Dennis Trillo at Jennylyn Mercado, inendorso rin ang Leni-Kiko tandem.
