Senglot nagpaputok ng boga hinuli
TIMBOG ang lalaking lasing ng magpaputok ng baril sa Brgy. Poblacion, Padre Garcia, Batangas noong Lunes.
Bandang alas-3:19 ng umaga ng matimbog ang suspek na si alyas Neil ng mga pulis sa pangunguna ni PSSg Jayson Lasi.
Napagtripan niyang magpaputok ng baril sa Ultra Mega Wholesale and Retail Mart.
Ayon kay Jayson Greñas Andaya at Daniel Atamosa Amor, pinuntahan nila ang suspek bandang alas-2:00 ng umaga. Lasing ang suspek at kasalukuyang natutulog.
Ginising ni Grenas ang suspek pero nagalit at kinuha ang kanyang cal. 38 revolver at pinaputukan ng isang beses ang cabinet.
Agad ini-report ni Atamosa ang insidente sa mga duty police officer kaya naaresto ang suspek at nakumpiska ang kanyang baril na may tatlong bala.
Sasampahan ang suspek ng kasong paglabag sa Seksyon 2 ng RA 11926 (Discharge of Firearms).
