Sasakyan ni Jaya nabangga papunta sa concert ni Regine
Naaksidente si Jaya habang papunta sa US concert tour ni Regine Velasquez sa Graton Resort Casino sa California base sa kanyang Instagram post kahapon.
Ibinahagi ng singer ang mga larawan ng car accident na kinasangkutan niya at makikita na ang laki ng damage sa kanyang sasakyan.
Kwento ni Jaya, habang papunta siya sa Graton kasama ang mga kaibigan ay bigla na lang may bumangga sa likuran ng sasakyan nila.
“On a ride from Sacramento, California, on the way to Graton Casino to see my friends and watch Regine V’s concert… when all of a sudden we get into a car collision.
“My friends Dr. Josephine Weber was driving and with us was Auntie Merly Escolta (her cousin) when suddenly we get hit from the back,” pagbabahagi ni Jaya.
Thankfully ay okay naman siya at ang mga kaibigan naman niya ay tsine-check-up sa hospital.
“I am doing ok but my friends are being checked and they will be alright, by God’s grace,” aniya.
Labis ang pasasalamat ni Jaya na walang nangyaring grabe sa kanila kahit na matindi ang tama ng kanilang sasakyan.
“Thank you Jesus for sending us divine protection and covering us with your blood. It could’ve been super worse. I’m glad Doc and Auntie Merls are ok. Thank you Lord for making it another day.
I am grateful for your mercy and grace. Praise your Holy name,” ani Jaya.
Paaala ng singer sa lahat ng motorista na parating isuot ang seatbelt.
“Please wear your seatbelts, AT ALL TIMES WHEN YOU ARE IN A VEHICLE, especially if you’re a back seat passenger,” payo ni Jaya na kasalukuyan nang naka-base sa Amerika kasama ang pamilya.
Kaagad namang nag-komento si Regine sa post ni Jaya. Aniya, “oh my goodness are you ok??”
Sagot naman ni Jaya, “Love you Mare sorry di ako nakarating sa concert mo and thank you Pare @ogiealcasid.”
Nagpadala rin ng kanilang mensahe ng pag-aalala at dasal ang kaibigang celebrities ni Jaya sa Pilipinas tulad nina Vina Morales, Erik Santos, Jhong Hilario, Dra. Vicki Belo, Jugs Jugueta, Amy Perez, Billy Crawford, Lani Misalucha, Gardo Versoza, atbp.
