Mga larawan mula sa IG/@richardgutz
Richard tinawag na ‘halimaw na aktor’ si Jake
NAG-ALAY ng isang appreciation post ang aktor na si Richard Gutierrez para sa kapwa aktor nito na si Jake Cuenca matapos silang magkasama sa katatapos pa lamang na TV series na “The Iron Heart.”
Sa Instagram page ni Richard nitong Lunes, Oktubre 16, ibinida niya ang mga larawan nilang dalawa ni Jake, kung saan isa sa mga ito ay masayang makikitang magka-akbay ang dalawa.
Sa caption, sinaluduhan at pinasalamat ni Richard si Jake at tinawag pa nga niya itong “halimaw” pagdating sa pag-arte.
“I want to express my appreciation and gratitude to my friend and colleague @juancarloscuenca. An absolute beast of an actor, a professional through and through,” pahayag ni Richard.
Inalala rin niya kung paanong sabay silang nagsimula sa industriya.
“We started in the industry together twenty odd years ago, been around the block twice, dues fully paid!” sey ng aktor.
“Congratulations on a job well done my brother! This is one for the books! ApolloXEros signing off! Until the next one! #TheIronHeart,” saad pa niya.
Samantala, nagbigay din ng mensahe si Jake kay Richard sa comment section ng nasabing post. Sey niya ay totoong “superhero” si Chard para sa kanya at proud siyang nakasama niya ito sa nasabing serye.
“Im gonna miss working with you my brother. I have nothing but love for you and your family. I’ll never get tired of saying it chard because it true you’re a true to life superhero the legitimate action star,” mensahe ni Jake kay Richard.
“I’ll always be just one phone call away for you and your family. Im proud of what we’ve done here, proud of TIH. We did one hell of a job. sayonara T I S O Y,” pahayag pa niya.
