Richard at Annabelle dumalo sa bonggang b-day party ni Barbie
Bongga at engrande ang 26th birthday celebration ni Barbie Imperial last August 1 base sa mga video na ibinahagi ni Vina Morales sa kanyang Instagram Story.
Isa si Vina sa mga guest ni Barbie at ipinost niya ang ilang mga kaganapan sa bonggang party. Dito ay makikitang dumalo rin ang mag-inang Annabelle Rama at Richard Gutierrez.
Sa isang larawan ay makikitang kasama ni Vina ang rumored boyfriend ni Barbie na si Richard at ilan pa nilang kaibigan.
Lahat sila ay nakasuot ng white outfit.
Sa isang video naman ay mapapanood na nagbibigay ng speech si Barbie sa stage habang nasa harap naman niya si Richard.
Sa isa pang reel na ibinahagi ni Vina ay nakunan niya naman ng camera si Tita Annabelle na nasa harapan niya. Tinawag ng aktres ang nanay ni Chard at ngumiti naman ito.
Nahagip din ng camera ni Vina na magkatabi sa table sina Richard and Barbie.
Ilang buwan nang nali-link sina Richard at Barbie subalit hanggang ngayon ay wala pa rin silang pahayag kung ano ba talaga ang real score sa kanilang dalawa.
Pero mukhang hindi naman sila umiiwas na makitang magkasama at maging si Tita Annabelle nga ay hindi naman feeling awkward na makunan ng camera.
Bago ito ay namataan din si Barbie na nagpunta sa burol ng hipag ni Chard na si Alexa Uichico-Gutierrez.
