RICARDO, LAYA NA!
Nakalaya na ang veteran actor na si Ricardo Cepeda makalipas ang 11 buwang pagkakakulong sa Cagayan Provincial Jail sa Tuguegarao City.
Kinumpirma mismo ng partner ni Ricardo na si Marina Benepayo ang paglaya ng aktor sa kanyang social media accounts kahapon.
Ibinahagi ni Marina ang isang video sa kanyang Instagram at Facebook accounts kung saan ay makikitang nagsasayaw sila ni Ricardo sa kanta ni Elvis Presley na “Don’t be Cruel.”
Caption ni Marina sa FB, “Richard is coming home, finally!!!! Thank you, God for your continuing guidance, never mo kami pinabayaan despite the challenge. Thankful for the strength you have given us throughout. Thank you everyone also for your prayers.”
Caption naman niya sa IG, “#11months and finally, he’s going home! God is Good! Thank you, everyone for your prayers.”
Matatandaang sinampahan ng kasong syndicated estafa si Ricardo matapos masangkot ang kanyang pangalan sa isang uri ng investment scheme. Inaresto ang aktor ng mga pulis noong October 7, 2023 sa Caloocan City.
Mariing pinabulaanan ni Ricardo ang lahat ng akusasyon sa kanya at sinabing wala siyang kinalaman sa anumang investment scheme ng kumpanya dahil endorser lang siya ng herbal products nito.
