CAMP BGEN. Paciano Rizal–Arestado ang isang lalaki dahil sa kasong panghahalay at act of lasciviousness noong Biyernes sa operasyon ng Regional Special Operations Unit (RSOU)-4A at Sta. Maria police sa Marikina City.

Inaresto si alyas Cecilio, ayon kay PCol. Gauvin Mel Unos, Laguna police director.

Ayon sa ulat ni PMaj. Eviener Boiser, hepe ng Sta. Maria police, natiklo ang suspek bandang ala-5:20 ng hapon sa Brgy. Tumana, Marikina City.

Ikinasa ang manhunt operation sa bisa ng warrant of arrest na inilabas ng Regional Trial Court, Fourth Judicial Region, Branch 33, Siniloan, Laguna.

May inerekomendang piyansa na P200,000 para sa pansamantalang paglaya ng suspek.

AUTHOR PROFILE

Gil Aman