Rape suspek huli sa Malabon
NAKORNER ng mga pulis ang isang lalaki na suspek sa panggagahasa nang magsagawa ng manhunt ang Warrant and Subpoena Section (WSS) ng Malabon police noong Linggo ng gabi.
Ayon kay P/Col. Jay Baybayan, natimbog ang 25-anyos sa suspek ng Block 48, Lot 16, Phase 3, Area 2, Brgy. Longos matapos makatanggap ng impormasyon si P/SSg Jayson Amurao, hepe ng WSS, na pagala-gala lang sa barangay ang akusado.
Dakong alas-11:10 ng gabi nang matunton ng grupong pinangunahan ni P/Maj. Jo-Ivan Balberona, Assistant Chief of Police for Operation (ACOPO), ang akusado sa Maya-Maya St., Brgy, Longos kaya’t agad na pinosasan at dinala sa presinto.
Sinabi naman ni P/SSg. Romeo Morelos, Jr., may hawak ng kaso, batay sa direktiba ni Northern Police District (NPD) Director P/BGen. Rizalito Gapas ang puspusang pagtugis sa mga wanted na tao.
