Exam

PT head ng RTR proud sa pag-Top ng kanilang graduates sa licensure exam

June 13, 2024 Mar Rodriguez 331 views

IPINAGMALAKI ng head ng Department of Physical Therapy ng Remedios T. Romualdez Medical Foundation (RTR) ang magandang performance ng kanilang mga graduate sa June 2024 Physical Therapists Board Examinations.

Bukod kasi sa apat na estudyante ng RTR ang nakapasok sa top 10, dalawa sa mga ito ang nanguna sa naturang pagsusulit.

Sinabi ni Jay Anthony Cañete, head ng PT department ng RTR, na hindi matatawaran ang ipinakita nina Michael Nivera, Bien Yamon, Clarence Noguerra at Sigfred Jay Bernales, na Top 1, 2, 8 at 10, sa naturang pagsusulit.

“Dito po sa PT department ng RTR, sobrang proud kami sa latest batch ng nag-take ng licensure exams, lalong-lalo na sa apat na nakatuntong ng Top 10. Hindi kami makapaniwala na pati Top 1 and 2 ay nakuha namin kasi we were just hoping lang na makapasa ang aming board takers,” sabi ni Cañete.

Ang RTR ay nakapagtala rin ng 96.55% rating sa matapos pumasa ang 28 sa 29 na graduate nito na kumuha ng licensure exam noong Hunyo.

“Kaya malaki po ang pasasalamat namin sa Panginoon na we were able to compete with bigger and more established schools, especially in Metro Manila. Nagbubunga ang aming pagsisikap na makapaghatid ng de kalidad na edukasyon,” sabi ni Cañete.

Sinabi naman ni Nivera, na nakuha ng pinakamataas na rating na 91.95%, na hindi nito inaasahan na mangunguna sa pagsusulit kahit na nag-ubos umano ito ng maraming oras sa pag-aaral.

“Dream come true po ito para sa akin. Nagpapasalamat po ako sa RTR dahil tunay na quality education ang aming natanggap mula sa pamantasan. Sobra lang po akong full of gratitude para sa lahat ng naniwala sa akin,” ani Nivera.

Nauna rito ay kinilala nina Speaker Ferdinand Martin G. Romualdez at Tingog Rep. Yedda K. Romualdez ang tagumpay ng mga estudyante ng RTR.

Ang RTR ay matatagpuan sa Tacloban City, ang hometown ni Speaker Romualdez.

“Lubos nating ikinagagalak ang tagumpay na ito ng ating mahal na pamantasan sa ating hometown sa Tacloban City! It gives us great joy and immense pride that RTR, as we endearingly call the school, has been in the Top 10 for two consecutive years now in the PT licensure exams,” sabi ni Speaker Romualdez.

“This is truly a proud moment for our people. Their success has not only put our region on the map when it bested even the larger and more established schools, but it also put the Waraynon spirit in the spotlight!” dagdag pa ng lider ng Kamara na mayroong mahigit 300 kinatawan.

Sinabi naman ni Rep. Yedda Romualdez na isang malaking tagumpay para sa mga Waray ang naabot ng mga estudyante ng RTR.

“As a representative of the Waray people and a supporter of our local educational institutions, I am incredibly proud of the RTR’s achievement as it underscores the quality of education and training provided by the institution and the dedication of its students and faculty,” sabi ni Rep. Yedda.

“Your success demonstrates that excellence is not confined to the largest and most well-known schools. It proves that with quality education, dedicated faculty and hardworking students, any institution can achieve greatness,” dagdag pa ng lady solon.

AUTHOR PROFILE