Tera1

Press, naintriga sa pagsipot ni JM sa launch ni Tera

October 26, 2022 Ian F. Fariñas 308 views

MARAMI ang naintriga sa presence ni JM de Guzman sa launching ng bagong singer na si Tera sa Seda Vertis North Hotel, Quezon City, nitong Martes.

Hindi lang kasi basta dumalo ang aktor sa nasabing okasyon kundi nag-duet din sila at may solo spot pa.

Kinanta nina JM at Tera ang Iris na pinasikat ng grupong Goo Goo Dolls at ginamit na love theme sa 1998 Hollywood movie na City of Angels nina Meg Ryan at Nicolas Cage.

Nag-solo rin si JM sa kantang Harana ng Parokya ni Edgar.

Siya nga ang nag-iisang special guest ng baguhang artist na nasa ilalim ng pangangalaga ng Merlion Events Production Inc. at Tyronne Escalante Artist Management ng talent manager na si Tyrone Escalante.

Ka-kwadra ni Tera sa management company ni Tyrone si Jane de Leon, ang all-girl P-pop group na Calista, atbp.

Anyway, nagpakitang-gilas si Tera sa magarbong launch dahil kinanta (at sumayaw pa) niya ang latest single niyang Higher Dosage.

Ang nasabing alternative pop single ay may dark themes gaya ng paggamit ng alcohol at illegal substances sa paglutas ng problema.

Kwento ni Tera, “Higher Dosage is a song I wrote in 2019. No matter what your age, gender or nationality is, everyone has a struggle that they’re enduring. This song reflects that darkness.”

“Unique” ngang ituring ang songwriting skills ng showbiz newbie dahil kakaiba ito sa mga kantang nakasanayan na ng pop fans.

Paliwanag ni Tera, “There are already a lot of songs about love, finding it and losing it. What I offer to the audience is a real, some would say deeper, take on emotions, life events (and) humanity.

My debut single is definitely different from what people are used to, but I think anyone could relate to it.”

Ipinalabas din sa nasabing launch ang music video ng Higher Dosage na dinirek ni Elena Virata.

Katulong niya sa paghahanda sa ginawang dance numbers ang nangungunang choreographers ng bansa tulad nina Douglas Nierras, Chrisy Sawada at Froi Dabalus.

Bilang paghahanda sa kanyang pagpasok sa local music scene, hindi lamang boses at pagpe-perform ang hinasa ni Tera kundi maging ang kanyang musicality sa pamamagitan ng pag-a-undergo ng training sa piano training sa Yupangco Music Academy, Voice

Masterclass kay Monet Silvestre at The Madz Studio kasama ang coach na si Alfred Samonte.

Bukod sa Higher Dosage, kinanta rin ni Tera sa launch ang dalawa pa niyang singles na Façade at Sa Dilim.

“This is a dream come true for me. I grew up watching live concert CDs of Michael Jackson and Beyoncé, who both shaped me as a performer. Even as a child, I would perform for people and ever since then, I just never got tired of sharing my craft. Ultimately, I hope that people would relate to my songs and be blown away by my performances,” sambit ni Tera, na kabilang sa local idols ang Popstar Royalty na si Sarah Geronimo at Pinay international sensation na si Lea Salonga.

Kasing excited ng young artist ang manager niyang si Tyrone sa pormal niyang pagsabak sa showbiz.

Pagmamalaki ni Tyrone sa alaga, “Tera writes her own songs and she is a natural-born performer. We can’t wait for everyone to know her and be just as amazed with her talent as we are. She brings something distinct to the country’s music scene and we’re supporting her all the way.”

AUTHOR PROFILE