Nagbigay ng babala si Pops Fernandez sa publiko tungkol sa fake Facebook account ng bunsong anak nila ni Martin Nievera na si Ram Nievera.

Sa Instagram ay ipinost ni Pops ang screenshot ng fake FB account ni Ram at mariing kinondena ang paggamit sa kanyang anak para makapanloko ng mga tao.

Mababasa sa nasabing screenshot ang pekeng ‘testimonya’ ni Ram tungkol sa paggaling kunwari niya mula sa karamdaman dahil sa gatas na araw-araw niyang iniinom.

Makikita rin dito na ginamit ang family photo nila noong time na nasa hospital si Ram.

“A fake Facebook account is using my son Ram Nievera’s name and our family photo to scam people and spread false information. These posts have caused harm to my family and affected my career and reputation.

I strongly condemn these actions,” pahayag ni Pops.

Nagbabala rin ang Concert Queen na magsasagawa na sila ng legal na aksyon ‘pag nagpatuloy pa ito.

“My team has already reported and removed some of these accounts, and I ask those responsible to stop using our images and posting false content. If this continues, we will take legal action.

“The safety and well-being of my family are my top priorities, and we will do everything we can to protect ourselves from exploitation or harassment.

“Please help us by massively reporting the account details provided on the next slide of this post. Thank you for your understanding and support,” saad ni Pops.

AUTHOR PROFILE

Vinia Vivar