SI Heart Evangelista ang hinahanap ng netizens matapos ilabas kahapon ng isang online personal lender na based sa Chicago ang listahan ng diumano’y biggest Pinay earners sa Instagram nu’ng 2021.

Pinangunahan ang nasabing listahan ni beauty queen-actress Pia Wurtzbach, na may $3,669,205 o tinatayang P216,193,227 earnings mula sa “paid partnerships” sa IG.

Sinundan naman si Pia nina Kathryn Bernardo, Anne Curtis, Kim Chiu, Andrea Brillantes, Catriona Gray, Liza Soberano, Nadine Lustre, Alex Gonzaga at Marian Rivera.

Nagtataka ang netizens kung bakit hindi nakapasok sa Top 10 list si Heart gayung marami itong endorsements/paid partnerships hindi lang dito kundi maging sa ibang bansa.

Anyway, nasa listahan naman ng top-earning international stars sina Ellen Degeneres (US, $33,723,706), Justin Bieber (Canada, $4,427,738), Dua Lipa (UK, $13,046,529), Blackpink’s Lisa (Thailand, $8,760,460) at Jisoo (South Korea, $18,896,411).

Ang top spot bilang world’s highest Instagram earner ay napunta sa Portuguese football player na si Cristiano Ronaldo ($85,217,365), na sinundan ng Argentinian competitor na si Lionel Messi ($71,963,449).

AUTHOR PROFILE

Ian F. Fariñas